Jednostavne smjernice za najbolje roditeljstvo

Osnivač psihoterapije u Rusiji donosi 15 pravila za vaspitanje djece

Julija Borisovna Gipenrejter je jedan od osnivača psihoterapije u Rusiji; danas ima 93 godine i važi za jednog od najboljeg sovjetskih psihologa ikada. Bila je i profesor opšte psihologije na Univerzitetu Lomonosov u Moskvi, autor je preko 80 naučnih radova, a specijalista je porodične terapije. Ona je veliki dio karijere posvetila upravo izučavanju pravilnog načina vaspitanja i tretiranja djece, te je napisala i nekoliko knjiga o roditeljstvu.

Ovo je 15 pravila za vaspitanje djece Julije Borisovne.

Prihvatite dijete bezuslovno. To ne znači voljeti ga zato što je lijepo, pametno, odličan učenik, pomaže drugima i ostalo, nego voljeti ga samo zato što postoji.

Ne miješajte se u ono što dijete radi, ako ne traži pomoć. Time mu poručujete: “S tobom je sve u redu. Naravno da ćeš se sam snaći!”

Ako je djetetu teško i spremno je da prihvati vašu pomoć, svakako mu pomozite. Pritom preuzmite na sebe samo ono što dijete ne može samo, dok ostatak treba da završi samo. Kako usvaja nove radnje, postepeno ga pustite da sve radi samostalno.

Dijete će sutra raditi samo ono što je danas radilo s mamom ili tatom, i to baš zato što je to radilo s mamom ili tatom. Sve ono što uradimo zajedno s djetetom postaje zlatna rezerva za dijete, njegov potencijal za blisku budućnost.

Polako, ali sigurno, brigu i odgovornost oko djetetovih ličnih stvari skinite sa sebe i prepustite ih njemu/njoj.

Djetetova ličnost i sposobnosti razvijaju se samo na području koje je ono odabralo jer je to željelo i jer ga to zanima.

Ne postoji situacija u kojoj je u redu udariti dijete.

Možete izraziti nezadovoljstvo zbog ponašanja djeteta, ali ne i zbog samog djeteta. Možete osuđivati djetetove postupke, ali ne i djetetova osjećanja, koliko god nepoželjna ili neprihvatljiva bila. Nezadovoljstvo djetetovim postupcima ne smije biti sveobuhvatno, jer se inače pretvara u veliku muku djeteta.

Zagrlite dijete nekoliko puta dnevno: za puko preživljavanje potrebna su četiri zagrljaja, a za dobro raspoloženje potrebno je najmanje osam zagrljaja dnevno. I to ne važi samo za djecu, već i za odrasle.

Osmislite nekoliko aktivnosti ili zadataka koje ćete raditi s djetetom. Neka nešto od toga postane ritual, neka dijete to očekuje, znajući da ćete se sigurno time zabaviti, čak i ako je uradilo nešto loše.

Najbolja kazna za dijete je uskratiti mu nešto lijepo, a ne učiniti mu ništa ružno.

Djeci je potrebno mnogo više kretanja, istraživanja predmeta, testiranja snage. Zabraniti im tako nešto je kao pregraditi nabujalu rijeku. Pobrinite se da protok bude prijatan, a korito sigurno.

Ne samo da su djeci potrebni red i pravila ponašanja, već ih i žele i očekuju. Tako lakše razumiju život i snalaze se u njemu, to im daje osećaj sigurnosti.

Djetetu je drago kada razumijemo njegove potrebe. Dijete istražuje svoje mogućnosti i polako pomijera granice. Dok je malo, želi da se popne na što više drvo, kad malo poraste, želi da pobjegne s prijateljima u tuđe dvorište, a zatim da se vrati kući kasnije nego inače. Puno zavisi i od toga kako se roditelji ponašaju. Propisi i zabrane ne djeluju.

Prvo provjerite da li je ono što želite da promijenite kod svog djeteta ono što biste u stvari željeli da promijenite kod sebe.

Izvor: Žena

Edukatorka za odgoj tvrdi da sva djeca moraju čuti ovih šest rečenica

Pet osobina djece koje ukazuju na dobro vaspitanje

Pet važnih lekcija za roditelje neposlušne djece

Anticipatorna anksioznost

Fizička aktivnost i meditacija ublažavaju strah od straha

Izdvajamo četiri neodoljiva napitka pomoću kojih ćete se riješiti nadutosti

Do kada treba raskititi jelku i kako je spakovati za narednu godinu?

Mat ruževi se vraćaju u modu

Zašto djeca pri rođenju najčešće imaju plave oči?

Modne greške koje svi pravimo

Iskoristite stari hljeb, doručak će biti spreman za 10 minuta

Pet vježbi za savršen struk